※注意:文字版不會顯示設置密碼或隱藏的日記
察看完整版本： :::我的日記本:::: (wAncc)
離開 (2005-03-02下午)
呢兩個星期註定好唔開心
Ｍｉｓｓ Ｗａｎ退休，羅ｓｉｒ又話要走（１１／３）
連好好人校工－－－永叔都話要退休……唉……
今日問阿ｓｉｒ，點解離開得咁急
阿ｓｉｒ話自己身體有事，怕等唔到學期完結
我聽到呢度，忍唔住「Ｂ」左少少眼淚
當然，我點會俾自己淚灑當場咁肉酸呢？
於是死忍，ｄ眼淚先至冇流出泥
聽到佢話自己隨昤會訓低，個心真係好酸好唔舒服
話晒都教左四年，佢對我又好
真係好唔捨得……唉………………………………………
Ｐ.Ｓ.你地班人丫，唔話俾你地知佢叫貓王
就真係唔記得邊個係羅ｓｉｒ！
……。…… (2005-03-03早上 )
好，我唔再賴人，乜都係我衰
遲左咁多次到，全部都係我一個人既錯
唔關阿媽事，係我做人太過懶好人
明知可能遲到都等埋阿媽
係我衰，阿媽你教我以後話知你遲到你死你事
我好憎成日遲到既自己
每次遲到都不停要同唔同既老師解釋
解釋ｄ咩？咪又係話交通唔方便，我又o係度賴
死左咁多次死貓
我好想大大聲同人講係自己老母搞到自己成日遲到
但咁又點？即係揭開屋企既醜事周圍唱o者！
冇人會體諒同情自己既心情喎
人大左，更加唔需要體諒同情！
我扮好人既結果係乜？
咪就係搞到差ｄ俾人記缺點、
今日唯有唔返學，自責之餘仲要俾老竇鬧！
你地知唔知我阿爸阿媽點講？
咪又係我衰囉！冇人叫我夠鐘唔上車架喎∼
我蠢！幫完人累左自己仲要俾人鬧返轉頭
呢一個老竇，我真係唔敢講我會對佢有ｄ咩親情
唔係因為今日嬲，就算係平時
要我講同佢有ｄ咩好既回憶，我都只係啞口無言
我張成績表花晒啦，都係我衰
我真係好嬲呀！
Someday you may come (2005-03-04下午)
見到一個朋友，不算深交，但已認識很久
今日又有一種強烈感覺：
佢係我鐘意既類型
如果再俾我認識多一個好似佢咁既人
而又互相喜歡就好
唔靚仔、唔高大、唔顯眼、講笑話唔好笑
唔知佢會隱藏左ｄ咩優／缺點
亦唔太清楚佢
始終都唔係成日聯絡既朋友
不過每次搵佢都覺得好自然
可以感覺到「自己」既存在
唔造作亦唔需遷就其他人
完全做返自己既感覺，令人舒服
希望會再遇到類似既人啦
雖然因為佢，我至知自己鐘意ｄ咩
但唔代表我鐘意佢，真係遺憾∼
永叔の秘卷 (2005-03-06晚上)
星期五係永叔最後一日返工
又係上Ｐ.Ｅ.堂既日子
換衫既時候，同學提起永叔
原來佢退休有原因，又係個死校長
校長投訴佢唔盡責，冇打掃乾淨課室
仲特登影埋相，有證有據
而永叔就堅持自己已經掃過
如果件事鬧大，有證據對永叔不利
可能會搞到佢冇左份退休金
所以佢唯有引疚辭職……
生活笑話 (2005-03-06下午)
最近經常都出現這樣的對話……
韻：「昨天（假日）幾點起床？」
ｘｘ：「六點。」
韻：「？！真的？！比我起得還早……」
…………………………。
韻：「等等……六點的意思是……？」
ｘｘ：「估中了∼是ｐ.ｍ.的那個。」
哦………………
－－－－－－－－－－－－－－－－－－－－－－
身邊的朋友大多都這樣，這種對話都出現過不少了
壓力日誌 (2005-03-06晚上)
今日向好朋友撒了個小小的大話，心虛了
最近都不太敢正視她，討厭……
人家為我好，我還這樣不長進，無鬼用！
還花了大半天看漫畫
（但真的好想看，
我已很久很久沒接觸過喜歡的東西了……）
實踐該做的事，夢醒了
我要變得更好，積極點！
還有，自然、自然、自然！
要有自信，更自然表達自己面對周圍的人
最討厭怕生的自己了，你死吧！
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
啦∼啦∼啦∼啦∼啦∼啦∼啦∼啦∼啦∼啦∼啦∼啦∼
（心情大好，高歌一曲！）
考場地址 (2005-03-07晚上)
Ｅｎｇｌｉｓｈ
張沛松紀念中學
校址：
新界將軍澳運隆路３號
Ｃｈｉｎｅｓｅ
Ｐｒｉｎｃｉｐｌｅ ｏｆ Ａｃｃｏｕｎｔｓ
Ｍａｔｈｅｍａｔｉｃｓ
仁濟醫院王華湘中學
校址：
將軍澳唐俊街８號
Ｃｏｍｍｅｒｃｅ
將軍澳官立中學
校址：
新界將軍澳敬賢里２號
Ｅｃｏｎｏｍｉｃｓ
將軍澳香島中學
校址：
將軍澳調景嶺勤學里４號
Ｅｎｇｌｉｓｈ Ｏｒａｌ
聖安當女書院
校址：
1 Ko Chui Road, Yau Tong, Kln.
欲望穌生 (2005-03-11晚上)
好似好耐冇寫日記，而家寫下先
唔……唔知講咩好……… =__="
聽日開始唔洗返學，要俾心機溫習
不過似乎我又泥足淺陷，鋪打機隱又復發
睇書既欲望不斷高漲，真係好想快ｄ考完試
俾我痛痛快快、翻天覆地咁睇個七日七夜
我要睇晒金庸既名著！
睇埋 D.H.Lawrence 仲有 Roald Dahl + Goosebumps
全部都係我最鐘意既作者呀……好想睇
一於努力ｄ溫書啦！
Ｖｉｃｉｏｕｓ Ｃｙｃｌｅ (2005-03-11晚上)
天氣回暖（聽講聽日又涷返……頂……）
又係大懶人穌醒之日
天氣暖左，又唔洗返學
大懶人就會開始做家務
屋企又會變返整齊
然後返學又會再亂
週而復始，惡性循環
ＡＨａａａａａ (2005-03-13晚上)
睇返呢一個學年，其實我進步左
但依然唔夠，我仍然係渣學生
我都幾鐘意呢一斑新同學
佢地同我初頭諗既有出入
可能係我先入為主啦
我覺得我最鐘意既係呢班ｄ男仔
佢地……都幾可愛架……
有ｄ怕怕醜醜，不近女色，忠厚善良
最岩俾我呢ｄ登徒浪子調戲
有ｄ個樣睇落一臉無知 + 茫然
見到佢地，令我莫名其妙產生一種既想作弄佢地
又聯想起佢地好似小動物咁令人有保護欲
仲有一個，呢個搞笑
自從一堂Ｃｏｍｍｅｒｃｅ之後就開始留意到佢
o固日梁柏恆叫佢翻譯一句英文
內容大概係雇主因為怕雇員偷野而買保險
我記得句英文用左ｐａｓｓｉｖｅ ｖｏｉｃｅ
成句只係由（ｓｕｂｊｅｃｔ）ｅｍｐｌｏｙｅｒ
同ｓｔｏｌｅｎ組成（唔太記得o固句係咩……）
然後o固位同學就答：
「驚ｄ員工被偷走……」
當時全班都忍唔住大笑，佢個樣又一臉迷茫
阿ｓｉｒ笑住再問：「我俾多次機會你答。」
然後o固位男同學好認真咁、用第二種方式答多次：
「個雇主驚ｄ員工俾人偷左去……」
o固一刻，我笑到標眼淚。
阿ｓｉｒ話：「好彩我教左你一年，知你真係唔識，
唔係既話，粗俗ｄ講句，『o靚仔，你玩野牙？！』」
由於o固位同學仔坐我附近
我間唔中都聽到佢唱ｄ舊到無得再舊既歌
用好麻甩既腔調去唱，真係……幾難頂……
琴日我又聽到佢講英文……
「喂喂（叫前面既男仔），快ｄ去ｃｌｅａｎ
ｔｈｅ波啦∼ｃｌｅａｎ ｔｈｅ ｂａｌｌ呀！」
有理由相信……佢可能真係唔識發音
[
KTzone]
Processed in 0.018865 second(s), 3 queries